काठमाडौं । राष्ट्रिय स्वतन्त्र पार्टीकी केन्द्रीय सदस्य रञ्जु दर्शनाले समानुपातिकतर्फको बन्दसूचीबाट नाम फिर्ता लिन निवेदन दिएकी छन्। रञ्जुको निवेदन लिएर पार्टीका एक प्रतिनिधि निर्वाचन आयोग पुगेका हुन्।
राष्ट्रिय स्वतन्त्र पार्टीले रञ्जुलाई खस–आर्य महिला कोटातर्फ बन्दसूचीको १०औँ स्थानमा राखेको थियो। पार्टीको प्राइमरी निर्वाचनमा महिलातर्फ सर्वाधिक मत ल्याएकी रञ्जुलाई प्राथमिकता क्रममा तल राखिएपछि पार्टीभित्र र बाहिर विरोधसमेत भएको थियो।
पार्टीले हिजो समानुपातिक बन्दसूचीमा व्यापक संशोधन गरे पनि रञ्जुलाई अगाडि नल्याएपछि उनले बन्दसूचीबाट हट्ने निर्णय लिएको बताइएको छ। यद्यपि, उनको निवेदन हालसम्म औपचारिक रूपमा दर्ता भइसकेको छैन।
निर्वाचन आयोग स्रोतका अनुसार निवेदन दर्ता भएपछि मात्र प्रक्रिया अघि बढ्नेछ।
