काठमाडौंः कोरोना भाइरसको संक्रमणबाट चीनमा ज्यान गुमाउनेको संख्या १६ सय पुगेको छ । आज चिनियाँ स्वास्थ्य आयोगका अधिकारीले बिहान सार्वजनिक गरेको नयाँ तथ्यांकअनुसार शनिबार मात्रै थप १ सय ४२ जनाको मृत्यु भएको छ ।
यो सँगै कोरोना भाइरसबाट ज्यान गुमानेको हालसम्मको संख्या १६ सय ६५ पुगेको छ । त्यस्तै संक्रमितको संख्या चीनमा हिजो दुई हजार ९ जना नयाँ संक्रमित थपिएका छन् र अब संक्रमितको संख्या ६८ हजार ५ सय नाघेको अधिकारीहरुले जनाएका छन् । त्यस्तै, फ्रान्समा पनि हुबेई प्रान्तबाट भ्रमणमा गएका एक चिनियाँ पर्यटकको मृत्यु भएको हो ।
विश्व स्वास्थ्य संगठन (डब्लुएचओ)ले जनाए अनुसार विश्वका झण्डै २५ मुलुकमा कोरोना भाइरस फैलिइसकेको छ । साथै (डब्लुएचओ) ले उक्त भाइरससँग लडिरहेको चीनलाई सहयोग गर्नसमेत सबैलाई आग्रह गरेको छ ।
