काठमाडौं । नेपाली कांग्रेसका नेता तथा पूर्वगृहमन्त्री रमेश लेखकले जाँचबुझ आयोगमा बयान दिएका छन्।
भदौ २३ र २४ गतेको जेनजी आन्दोलनका क्रममा भएको जनधनको क्षतिबारे बयान दिन लेखक सिंहदरबारस्थित जाँचबुझ आयोग पुगेका थिए। मध्याह्न करिब १२ः३० बजे आयोगमा उपस्थित भएका उनी करिब ३ बजे कार्यालयबाट बाहिरिएका हुन्।
जेनजी आन्दोलनका बेला लेखक गृहमन्त्रीको जिम्मेवारीमा थिए। आयोगले उनलाई पुस १३ गते उपस्थित हुन पत्राचार गरेको भए पनि उनी एक दिन ढिला गरी आज बयानका लागि पुगेका हुन्।
यसैबीच, लेखकले आजै पत्रकार सम्मेलन आयोजना गरी जेनजी आन्दोलनको विषयमा आफ्नो धारणा सार्वजनिक गर्ने जानकारी पनि दिएका छन्।
