काठमाडौं । नेकपा (एमाले)को नयाँ नेतृत्व चयनका लागि आज साँझ ७ बजेदेखि मतदान हुने भएको छ।
पार्टी केन्द्रीय निर्वाचन आयोगले मतदानको समय आज साँझ ७ बजेदेखि भोलि (पुस २) बिहान १ बजेसम्म तोकिएको जानकारी दिएको छ।
यसअघि आज बिहान १२ बजेदेखि मतदान सुरु गर्ने कार्यतालिका तय गरिएको थियो। तर, निर्वाचन कार्यतालिका संशोधन गर्दै साँझ ७ बजेदेखि मतदान सुरु गर्ने निर्णय गरिएको हो।
निर्वाचन आयोगका अनुसार रातभरमै मतदान तथा अन्य निर्वाचन कार्यक्रम सम्पन्न गर्ने तयारी गरिएको छ ।
