काठमाडौँ । नेकपा एमालेका स्थायी समिति सदस्य राजेन्द्र गौतमले उपमहासचिव पदमा स्वतन्त्र उम्मेदवारी दिने घोषणा गरेका छन्।
गौतमले सार्वजनिक भएका पदाधिकारीका नामावलीप्रति असन्तुष्टि जनाउँदै आफ्नो उम्मेदवारी फिर्ता नहुने स्पष्ट पारेका छन्। “फारम भरेर हातमा पैसा लिएर बसेको छु, अब मेरो उम्मेदवारी फिर्ता हुँदैन,” उनले भने।
उनका अनुसार यसअघि नै आफूले पार्टी अध्यक्षलाई आफ्नो विषयमा जानकारी गराइसकेका थिए। “मेरो बारेमा पार्टी अध्यक्षलाई भनेकै थिएँ। तर जस्तो नामहरू प्रचारमा आए, त्यसपछि अब म उपमहासचिवको उम्मेदवार बन्छु,” गौतमले बताए।
पार्टीभित्र पदाधिकारी चयनको प्रक्रियालाई लिएर असन्तुष्टि देखिन थालेको सन्दर्भमा गौतमको स्वतन्त्र उम्मेदवारीलाई अर्थपूर्ण रूपमा हेरिएको छ।
