काठमाडौँ । नेकपा एमालेका उपाध्यक्षद्वय युवराज ज्ञवाली र अष्टलक्ष्मी शाक्यले जारी महाधिवेशनमा कुनै पनि पदमा प्रतिस्पर्धा नगर्ने घोषणा गरेका छन्। नयाँ नेतृत्वलाई अवसर दिनुपर्ने भन्दै उनीहरू दुवै जनाले प्रतिस्पर्धाबाट पछि हट्ने निर्णय गरेका हुन्।
जारी केन्द्रीय कमिटी बैठकमा उनीहरूले यसबारे औपचारिक जानकारी गराएका हुन्। ज्ञवाली र शाक्य दुवै जना पार्टीभित्र ईश्वर पोखरेल पक्षसँग खुलेर आबद्ध रहँदै आएका नेताहरू हुन्।
केन्द्रीय कमिटी बैठक बैठकमा पार्टी अध्यक्ष केपी शर्मा ओलीले पदाधिकारीको संख्या बढाएर १९ सदस्यीय बनाउने प्रस्ताव अघि सारेका छन्। तर ओलीको उक्त प्रस्तावलाई ईश्वर पोखरेल पक्षले अस्वीकार गर्दै आएको छ।
आज दिउँसो १२:३० बजेबाट सुरु हुने भनिएको महाधिवेशनको बन्दसत्र अब तीन बजेका लागि सारिएको छ।
