काठमाडौं। सन् २०२६ मा भारत र श्रीलङ्कामा संयुक्त रूपमा आयोजना हुने आईसीसी टी-२० विश्वकप क्रिकेटको समूह तथा खेलतालिका सार्वजनिक भएको छ ।
नेपाल प्रतियोगिताको समूह ‘सी’ मा परेको छ । उक्त समूहमा बलियो टेस्ट राष्ट्र इङ्ल्यान्ड, वेस्ट इन्डिज र बंगलादेश परेका छन् । यसका अतिरिक्त इटाली पनि नेपालकै समूहमा छ ।
नेपालको पहिलो खेल फेब्रुअरी ८ मा इङ्ल्यान्डसँग हुनेछ । प्रतियोगिता भने फेब्रुअरी ७ देखि भारत र श्रीलंकामा हुनेछ ।
यस्तो छ नेपालको खेल तालिका:
पहिलो खेल: नेपाल विरुद्ध इंग्ल्यान्ड – फेब्रुअरी ८ (मुम्बई)
दोस्रो खेल: नेपाल विरुद्ध इटाली – फेब्रुअरी १२ (मुम्बई)
तेस्रो खेल: नेपाल विरुद्ध वेस्ट इन्डिज – फेब्रुअरी १५ (मुम्बई)
चौथो खेल: नेपाल विरुद्ध बङ्गलादेश – फेब्रुअरी १७ (मुम्बई)
प्रतियोगिताको समूह ‘ए’ मा आयोजक भारतसहित चीर प्रतिद्वन्द्वी पाकिस्तान, अमेरिका, नामिबिया र नेदरल्यान्ड्स रहेका छन्। समूह ‘बी’ मा अस्ट्रेलिया, आयोजक श्रीलङ्का, जिम्बाब्वे, आयरल्यान्ड र ओमान परेका छन्।
त्यसैगरी, समूह ‘डी’ मा दक्षिण अफ्रिका, न्युजिल्यान्ड, अफगानिस्तान, युएई र क्यानडा रहेका छन्।
