पोखरा । गण्डकी प्रदेशका मन्त्री डोबाटे विश्वकर्माले अन्ततः आन्तरिक मामिला मन्त्रालयको जिम्मेवारी पाएका छन् ।
गत साउनमै मन्त्री बन्ने टुंगो लागेर बधाई आदानप्रदान गरेपनि अन्तिम समयमा नाम काटिएका विश्वकर्मा पाँच महिनापछि आन्तरिक मामिला मन्त्री बनेका हुन् ।
उनले आइतबार कार्यभार सम्हालेका हुन् । उनलाई विनाविभागीय मन्त्री बनेको करिब अढाई महिनापछि मुख्यमन्त्री कृष्णचन्द्र नेपाली पोखरेलले आफूसँगै रहेको आन्तरिक मामिला मन्त्रालयमा जिम्मेवारी दिएका हुन् ।
