काठमाडौँ । । ‘राष्ट्र, राष्ट्रियता, धर्म, संस्कृति र नागरिक बचाऔं महाअभियान’का संयोजक दुर्गा प्रसाईंले सुकुम्बासी बस्ती भत्काउने काठमाडौं महानगरपालिकाका
मेयर बालेन शाहको प्रयास सफल हुन नदिने बताएका छन् ।
आइतबार मनोहराको सुकुम्बासी बस्तीमा कोणसभा गर्दै प्रसाईंले मेयर शाहविरुद्ध लड्न आफूले सहयोग गर्ने बताएका हुन् ।
उनले बालेनमाथि विभिन्न आरोप लगाउँदै सुकुम्बासीलाई लछारपछार गर्नेको घर परिवारलाई पनि त्यस्तै गर्ने कडा चेतावनी दिए ।
सुकुम्बासी बस्तीमा महानगरको डोजर आउनुभन्दा पहिले बालेनको घरमा पुगेर श्रीमती र परिवारलाई बाहिर निकाल्न उक्साउदै उनले भने, , ‘घर जलाउन र मान्छे निकाल्न उनीहरुले सिकाएका हुन् । तपाईंहरुकोमा भत्काउन आयो भने तपाईंहरु हुरुरु उसको घरतिर जानुस् । श्रीमतीलाई बाहिर निकाल्नुस् । उसको स्वास्नीलाई पनि लछारपछार गर्नुस् ।’
यस्तै, उनले बालेनसँग मिलेर भिक्टर पौडेलले बब्लु गुप्तालाई मन्त्री बनाउन २ करोड खाएको आरोप समेत लगाए । बालेनले काठमाडौं सुन्दर बनाउने नाममा गरिब र सुकुमवासीलाई लेखेट्ने काम गरेको भन्दै उनले भने, तपाईं जमिन्दारको छोरो, इन्जिनियर पढ्नु भो, एसीमा बसेर दारु खानुहुन्छ तपाईं, स्टाटस लेख्नुहन्छ, फेरि डिलिट गर्नुहुन्छ । अहिले तपाईं केही गर्न नसकेर गरिबलाई लेखेट्ने काम मात्रै भो ।’
उनले सुकुम्बासीहरुलाइ पक्की घर दिलाउन मद्दत गर्ने आश्वासन दिँदै मंसिर ७ गतेदेखि सुरु हुने आफ्नो अभियानमा सहयोग गर्न सबैलाई आह्वान गरे। उनले भने,‘अब छाड्ने होइन, मंसिर ७ को तयारीमा लाग्नुस् । ’
बस्ती खाली गर्न महानगरले दिएको एक हप्ताको अल्टिमेटम आज सकिँदै छ । अल्टिमेटम सकिएसँगै बस्ती खाली गराउने महानगरको तयारी छ ।
