काठमाडौं । तीन दिनदेखि प्रहरीको खोजीमा रहेका निकोलस भुसाललाई प्रहरीले पक्राउ गरेको छ । काठमाडौं उपत्यका अपराध अनुसन्धान कार्यालयको टोलीले उनलाई पक्राउ गरेको हो ।
प्रहरीका अनुसार सार्वजनिक शान्ति र सुरक्षामा खलल पुर्याएको अभियोगमा भुसाललाई पक्राउ गरिएको हो । उनले पछिल्ला दिनमा सामाजिक सञ्जालमार्फत सार्वजनिक रूपमा अण्ठसन्ठ अभिव्यक्ति दिँदै आएका थिए ।
तीन दिनअघि उनले माइतीघरमा प्रदर्शनको आह्वान गरेका थिए । तर, तोकिएको दिन उनी उपस्थित भएका थिएनन् ।
यसअघि माइतीघरमा भएको प्रदर्शनका क्रममा पक्राउ परेका भुसालले गाँजा सेवन गरेको पुष्टि भएपछि उनलाई परिवारको जिम्मामा पुनःस्थापना केन्द्र (रिह्याव सेन्टर)मा राख्ने सर्तमा रिहा गरिएको थियो ।
