काठमाडौं । श्रम, रोजगार तथा सामाजिक सुरक्षामन्त्री सिफारिस भएका खगेन्द्र सुनारको नाममा विवाद भएपछि प्रधानमन्त्री सुशीला कार्की छलफलमा रहेका छन् ।
सुनारलाई मन्त्रीको शपथ खुवाउने कि नखुवाउने भन्नेबारे अहिले छलफल भइरहेको प्रधानमन्त्री निकट स्रोतले बतायो ।
यसअघि प्रधानमन्त्री कार्कीले सुनारसहित अन्य तीन जनालाई मन्त्री सिफारिस गरेकी थिइन् । तर, सुनारविरुद्ध विभिन्न अभियोगमा मुद्दा दर्ता भएका र उनी प्रहरीको फरार सूचीमा रहेको पाईएपछि अहिले सामाजिक सञ्जालमा चौतर्फी आलोचना भइरहेको छ ।
प्रधानमन्त्री कार्कीले अन्य मन्त्रीहरूमा डा सुधा शर्मा गौतम, गणपति लाल श्रेष्ठ र बब्लु गुप्तालाई नियुक्त गरेकी छन् । गौतमलाई स्वास्थ्य तथा जनसंख्या, गुप्तालाई युवा तथा खेलकुद मन्त्रालय र श्रेष्ठलाई भूमिसुधार मन्त्रालयको जिम्मेवारी दिइएको छ ।
