काठमाडौँ । प्रधानमन्त्री सुशीला कार्कीले आज मन्त्रिपरिषद् विस्तार गर्दै चार नयाँ मन्त्री नियुक्त गर्न लाग्नुभएको छ ।
साढे २ बजे शीतल निवासमा शपथग्रहण कार्यक्रम तय गरिएको छ ।
प्रधानमन्त्रीको सचिवालयका अनुसार नियुक्त हुने मन्त्रीहरूमा डा. सुधा शर्मा (स्वास्थ्य तथा जनसङ्ख्या), गणपतिलाल श्रेष्ठ (भूमि व्यवस्था तथा सहकारी), खगेन्द्र सुनुवार (श्रम तथा रोजगार) र बब्लु गुप्ता (युवा तथा खेलकुद) छन् ।
सुरुवाती तयारीमा गणपतिलाल श्रेष्ठलाई संस्कृति, पर्यटन तथा नागरिक उड्डयन मन्त्रालय दिने योजना भए पनि अन्ततः मन्त्रालय परिवर्तन गरिएको सचिवालय स्रोतले जनाएको छ ।
पर्यटन मन्त्रालय भने अहिलेसम्म खाली छ ।
