काठमाडौँ । इंग्लिस प्रिमियर लिग फुटबल अन्तर्गत म्यान्चेस्टर युनाइटेडले जित निकालेको छ ।
गएराति भएको खेलमा युनाइटेडले लिभरपुललाई उसकै घरेलु मैदानमा २–१ गोलले हराएको हो । खेलको दोस्रो मिनेटमा नै ब्रायन एम्बेउमोले गोल गर्दै युनाइटेडलाई सुरुवाती अग्रता दिलाएका थिए । ७८ औं मिनेटमा कोडी गाक्पोले गोल गर्दै लिभरपुललाई १–१ को बराबरीमा ल्याए ।
यता, ८४ औं मिनेटमा ह्यारी माग्वेरले गोल गर्दै युनाइटेडलाई जित दिलाए । लिभरपुलको यो लगातार तेस्रो हार हो । टोलि ८ खेलबाट १५ अंकका साथ तालिकाको चौंथो स्थानमा झरेको छ । युनाइटेड १३ अंकका साथ नवौं स्थानमा छ ।
यस्तै, अर्को खेलमा टोटेनहम एस्टन भिल्लासँग २–१ गोलले घरेलु मैदानमै स्तब्ध बन्यो । खेलको पाँचौं मिनेटमा नै रोड्रीगो बेन्टानकरले गोल गर्दै घरेलु टोलिलाई सुरुवाती अग्रता दिलाएका थिए । ३७ औं मिनेटमा मोर्गान रोजर्सले गोल गर्दै भिल्लालाई १–१ को बराबरीमा ल्याए ।
यता, ७७ औं मिनेटमा एमि बुन्डिआले गोल गर्दै भिल्लालाई २–१ ले अघि बढाए । त्यसपछि दुबै टोलिबाट गोल हुन सकेन र भिल्लाले तीन अंक जोड्यो ।
यो नतिजापछि टोटेनहम ८ खेलबाट १४ अंकका साथ तालिकाको छैटौं स्थानमा छ । भिल्ला १२ अंकका साथ ११ औं स्थानमा छ ।
