काठमाडौं । मौसम पूर्वानुमान महाशाखाले विहिवारको मौसम पूर्वानुमान सार्वजनिक गरेको छ । महाशाखाका अनुसार हाल देशमा स्थानीय वायुको साथै पश्चिमी वायुको आंशिक प्रभाव रहेकाले देशका पूर्वी तराई भू–भागका साथै मध्य भू–भागमा आंशिक बदली रहेको छ।
महाशाखाले मौसम पूर्वानुमानमा उल्लेख गरेअनुसार दिउँसो देशको पूर्वी तथा मध्य पहाडी भू–भागमा आंशिक देखि सामान्य बदली रही बांकी भू–भागमा आंशिक बदली रहनेछ।
यसैगरी, पूर्वी तथा मध्य पहाडी भू–भागका एक/दुई स्थानमा अपरान्हपछि मेघगर्जन,चट्याङ र हावाहुरी सहित क्षणिक वर्षाको सम्भावना रहनुका साथै बिहीबार राति देशका पहाडी भू–भागमा आंशिक बदली रही बांकी भू–भागमा मौसम सामान्यतया सफा रहने पूर्वानुमानमा उल्लेख छ ।
यता, पश्चिमी पहाडी भू–भागका एक÷दुई स्थानमा मेघगर्जन,चट्याङ र हावाहुरीसहित क्षणिक वर्षाको सम्भावना रहेको महाशाखाले जनाएको छ ।
