काठमाडौँ । राष्ट्रपति रामचन्द्र पौडेलले आज प्रधानमन्त्री सुशीला कार्की, मन्त्रिपरिषद्का सदस्य र राजनीतिक दलका शीर्ष नेताहरूसँग निर्वाचनसम्बन्धी छलफल गर्नुहुने भएको छ ।
राष्ट्रपति कार्यालयका अनुसार छलफल आज शुक्रबार अपराह्न ४ बजे शीतलनिवासमै हुनेछ । निर्वाचनको तयारी, व्यवस्थापन र सहमतिको वातावरण निर्माणका विषयमा केन्द्रित रहेर संवाद हुने जनाइएको छ ।
बिहीबार पनि प्रधानमन्त्री कार्की र केही मन्त्रीहरू शीतलनिवास पुगेर राष्ट्रपतिसँग परामर्श गरेका थिए । आजको बैठकमा सरकारका तर्फबाट प्रमुख मन्त्रीहरू तथा संसद्मा प्रतिनिधित्व गर्ने सबै दलका शीर्ष नेताहरू सहभागी हुने अपेक्षा गरिएको छ ।
