काठमाडौं । प्रधानमन्त्री केपी शर्मा ओलीले शनिबार गरिएको भिडियो कन्फरेन्समा सातै प्रदेशका मुख्यमन्त्रीहरुसँग कोरोना भाइरसविरुद्ध लड्न सरकारभन्दा बाहेक अन्य आवश्यक नरहेको बताएका छन् । सिंहदरबारबाट प्रधानमन्त्री ओलीले सातै प्रदेशका मुख्यमन्त्रीहरूसँग भिडियो कन्फरेन्स गरेका थिए ।
कन्फरेन्सका क्रममा प्रधानमन्त्री ओलीले कोरोना भाइरसको संक्रमण नियन्त्रणका लागि देशभर लागु गरिएको लकडाउन तत्काल नहट्ने बताए । भिडियो कन्फरेन्समा उनले सरकारले प्रभावकारी र सफल रूपमा काम गरिरहेको पनि बताए ।
साथै प्रधानमन्त्री ओलीले भारतमा कोरोना संक्रमण तीव्र गतिले बढिरहेको बेला नेपालमा लकडाउन हटाउँन नसक्ने बताएको प्रधानमन्त्रीका प्रेस सल्लाहकार सूर्य थापाले जानकारी दिए । प्रधानमन्त्री ओलीले सीमा नाकामा अझै थप कडाई गर्नुपर्नेमा सबै मुख्यमन्त्रीहरूलाई सुझाव दिएका छन् ।