तेहरान। इरानले सोमबार इजरायलको गुप्तचर एजेन्सी मोसादको तर्फबाट जासुसीको आरोपमा दोषी ठहरिएका व्यक्तिलाई मृत्युदण्ड दिएको इरानी मिजान समाचार एजेन्सीले जनाएको छ ।
बहमान चौबी–अस्ल भनेर चिनिएका व्यक्तिलाई न्यायिक कार्यवाही र इरानको सर्वोच्च अदालतले मृत्युदण्डको सजाय कायम राखेपछि फाँसी दिइएको हो ।
चौबी–अस्ल “इरानमा इजरायलका सबैभन्दा महत्त्वपूर्ण जासुसहरू मध्ये एक थिए र डेटाबेसको क्षेत्रमा मोसादसँग सचेत र व्यापक रूपमा सहयोग गरेका थिए“, कम्पनीमा उहाँको उपस्थितिका कारण, चौबी–अस्लले प्रबन्धकको रूपमा इरानको “संवेदनशील“ दूरसञ्चार परियोजनाहरूमा प्रवेश गर्न सफल भएको बताइएको छ ।
दोषीसँग इरानको महत्वपूर्ण र सार्वभौम तथ्याङ्कमा पहुँच भएकोे स्वीकारोक्तिमा, चौबी–अस्लले उनीसँग सहकार्य गरेर मोसादले इरानी सरकारी संस्थाहरूको तथ्याङ्कमा पहुँच प्राप्त गर्न, इरानको तथ्याङ्क केन्द्रमा घुसपैठ गरी देशमा इलेक्ट्रोनिक उपकरणहरू हस्तान्तरण गर्ने तरिकाहरू पत्ता लगाउन खोजेको जनाइएको छ ।
यसले मोसादका लागि गुप्तचर सङ्कलन गर्ने बदलामा अन्य कुराहरूका साथै दोषीले पैसा प्राप्त गरेको बताएको छ । सेप्टेम्बर- १७ मा इरानले बाबक शाहबाजी भनेर चिनिएका एक व्यक्तिलाई मृत्युदण्ड दिएको थियो, जसलाई मोसादका लागि जासुसीको अभियोगमा पनि दोषी ठहर गरिएको थियो ।
त्यसबेला मिजानको प्रतिवेदन अनुसार शाहबाजीलाई पैसा र तेस्रो देशको नागरिकताको बदलामा मोसादलाई इरानी संवेदनशील तथ्याङ्क तथा जानकारी बेचेर इजरायलसँग गुप्तचर र सुरक्षा सहयोग गरेको अभियोगमा दोषी ठहर गरिएको थियो । (रासस/सिन्ह्वा)
