काठमाडौँ । इंग्लिस प्रिमियर लिग फुटबल अन्तर्गत लिभरपुलले हार ब्यहोरेको छ । गएराति भएको खेलमा लिभरपुल क्रिस्टल प्यालेससँग १–२ गोलले स्तब्ध बनेको हो ।
खेलको नवौं मिनेटमा इस्माइल सारले गोल गर्दै घरेलु टोलि प्यालेसलाई सुरुवाती अग्रता दिलाएका थिए । ८७ औं मिनेटमा फेडेरिको किएसाले गोल गर्दै लिभरपुललाई १–१ को बराबरीमा ल्याए । तर, खेल सकिनै लाग्दा इन्जुरी समयमा एड्डी केटियाहले गोल गर्दै प्यालेसलाई जित दिलाए ।
जितसँगै अपराजित रहेको प्यालेस अंकतालिकाको दोस्रो स्थानमा उक्लिएको छ । उसको ६ खेलबाट १२ अंक छ । लिभरपुल १५ अंकका साथ शीर्षस्थानमा कायमै छ ।
यस्तै गएताति नै भएको अर्को खेलमा टोटेनहमले वल्भ्ससँग १–१ गोलको बराबरी खेल्दै अंक बाँड्यो । ५४ औं मिनेटमा सान्टियागो बुएनोले गोल गर्दै वल्भ्सलाई सुरुवाती अग्रता दिलाएका थिए । यता, खेल सकिनै लाग्दा जोआओ पालिन्हाले गोल गर्दै टोटेनहमको हार टारे ।
यो नतिजापछि टोटेनहम ६ खेलबाट ११ अंकका साथ तेस्रो स्थानमा छ भने वल्भ्स १ अंकका साथ तालिकाको पुछारमा छ ।
