चितवन । चितवनको इच्छाकामना गाउँपालिका–३ चुम्लिङटारमा शनिबार बिहान ट्रक र कन्टेनर आपसमा ठोक्किँदा एक जना घाइते भएका छन् ।
इलाका प्रहरी कार्यालय मुग्लिनका अनुसार काठमाडौँबाट आउँदै गरेको ना ८ ख ३८८६ नम्बरको कन्टेनर र मुग्लिनतर्फबाट काठमाडौँतर्फ जाँदै गरेको बागमती प्रदेश ०३–० ३५२२ नम्बरको ट्रक आपसमा ठोक्किँदा दुर्घटना भएको हो ।
दुर्घटनामा परि एक व्यक्ति घाइते भएका छन् । घाइतेको अवस्था सामान्य रहेको प्रहरीले जनाएको छ । घटनास्थलमा दुवै सवारीसाधन क्षतिग्रस्त भएका छन् भने थप अनुसन्धान भइरहेको प्रहरीको भनाइ छ ।
