काठमाडौं । स्वास्थ्य क्षेत्रले आज निकै अनुभवी र खारिएको नेतृत्व पाउँदै छ ।
प्रधानमन्त्री सुशीला कार्कीले अतिरक्त स्वास्थ्य सचिव डा. संगीता कौशल मिश्रालाई स्वास्थ्यमन्त्रीमा सिफारिस गरेकी छन् ।
मिश्रालाई आज राष्ट्रपति रामचन्द्र पौडेलले नियुक्त गरी समक्ष पद तथा गोपनियताको सपथ दिलाउने छन् ।
स्वास्थ्य मन्त्रालयको अतिरिक्त सचिव रहेकी डा. मिश्राले स्वास्थ्यमन्त्री बन्ने भएपछि हिजो राजीनामा दिएकी थिइन् ।
मिश्रा स्वास्थकर्मीका साथै कुशल व्यवस्थापक पनि हुन् । कोरोना महामारीले देश आक्रान्त भएका बेला कोशी अस्पतालको नेतृत्व गरेर डा. मिश्राले आफूलाई अब्बल सावित गरेकी थिइन् ।
आम नागरिकलाई महामारीबाट जोगाउन उनले गरेको योगदानले देशभर चर्चा पाएको थियो ।
कोशी अस्पतालबाट परोपकार प्रसूति तथा स्त्रीरोग अस्पतालको निर्देशकको जिम्मेवारी पाएसँगै उनले नेपालमा पहिलो पटक ह्युमन मिल्क बैंक अर्थात् अमृत कोषको अवधारणा ल्याएकी थिइन् ।
त्यसपछि स्वास्थ्य तथा जनसंख्या मन्त्रालयको समन्वय महाशाखा प्रमुख तथा प्रवक्ता, स्वास्थ्य सेवा विभागको महानिर्देशक हुँदै डा. मिश्र हाल स्वास्थ्य मन्त्रालयकी अतिरिक्त सचिव भएको थिइन् ।
मिश्राले सचिवमा दाबेदाबी प्रस्तुत गरेकी थिइन् । तर तत्कालीन केपी शर्मा ओली नेतृत्वको सरकारले उनलाई सचिवमा बढुवा गरेको थिएन ।
डा. मिश्राले २०५७ सालमा स्वास्थ्य सेवामा प्रवेश गरी करिब एक वर्ष काम गर्नुभएको थियो । त्यसपछि उहाँ फुलब्राइट छात्रवृत्ति पाएर अमेरिका पढ्न जानुभएको थियो । २०७० असोज १० गते खुलातर्फको प्रतिस्पर्धामा ११औं तहमा नाम निकालेर उहाँ पुन: स्वास्थ्य सेवामा प्रवेश गर्नुभएको हो ।
