काठमाडौं। संविधान दिवस २०८२ का अवसरमा राष्ट्रिय स्वतन्त्र पार्टीका कार्यवाहक सभापति डोलप्रसाद अर्यालले मुलुकको सार्वभौमिकता, स्वतन्त्रता, राष्ट्रिय एकता र लोकतान्त्रिक मूल्य–मान्यताको संरक्षणमा संविधानको भूमिका महत्वपूर्ण रहेको बताएका छन्।
उनले विभिन्न आन्दोलनमा बलिदान दिने सहिदप्रति श्रद्धाञ्जली अर्पण गर्दै, मुलुकभित्र र बाहिर रहेका नेपालीहरूमा संवैधानिक सर्वोच्चता, दलीय प्रतिस्पर्धा र विधिको शासनप्रति विश्वास बढोस् भन्ने कामना गरेका छन्।
अर्यालले संविधानमा निहित सामाजिक न्याय र समानताको सिद्धान्तलाई व्यवहारमा उतार्ने दृढ संकल्प दोहोर्याउँदै, संवैधानिक सुधारबिनाको आमूल परिवर्तन सम्भव छैन भन्ने अडान दोहोर्याए। जेन–जी आन्दोलनमा उठेका आवाजहरूले पनि यही आवश्यकता पुष्टि गरेको उनले उल्लेख गरे।
उनका अनुसार, आगामी फागुन २१ गते हुने निर्वाचन मुलुकलाई सही बाटोमा फर्काउने अवसर हो। उनले निर्वाचनलाई सफल बनाउन सबै सम्बद्ध पक्षलाई सामूहिक जिम्मेवारीपूर्वक सक्रिय हुन आह्वान गरेका छन्।
