सुर्खेत। तीन दिनदेखि रोकिएको कर्णाली राजमार्ग मंगलबारदेखि पूर्ण रूपमा सञ्चालनमा आएको छ।
कालिकोटको गगने खोलामा गएको पहिरो हटाइएसँगै सडक खुला भएपछि यात्रुहरूको आवागमन सामान्य बनेको सडक डिभिजन कार्यालय जुम्लाले जानकारी दिएको छ।
सडक अबरुद्ध हुँदा यात्रुहरू समस्यामा परेका थिए भने नेपाली सेनाले पहिरो पन्छाउन सहयोग गरेको थियो।
गगने खोलाको सो क्षेत्र प्रायः पहिरो जाने संवेदनशील मानिन्छ। यसपटक अवरोधका कारण करिब १३ करोड मूल्य बराबरका स्याउ बोकेका ट्रकहरू बाटोमै रोकिएका थिए।
