काठमाडौँ । नेकपा (माओवादी केन्द्र) का सांसद महिन्द्र राय यादवले शिक्षालाई राजनीतिबाट सधैँ मुक्त गर्नेगरी अघि बढ्न जरुरी रहेको बताउनुभएको छ ।
बिहीवार सिंहदरबारमा बसेको शिक्षा, स्वास्थ्य तथा सूचना प्रविधि समितिको बैठकमा बोल्दै उहाँले यस्तो बताउनुभएको हो । बुधवार विद्यालय शिक्षा विधेयक,२०८० सम्बन्धी समितिको प्रतिवेदन माथि छलफल भएको हो ।
उहाँले देश र संविधान समाजवादउन्मुख हुुनपर्ने र शिक्षा पनि समाजवादउन्मुख हुन जरुरी रहेको बताउनु भयो । पुँजीवादीतिर निजीतिर शिक्षा जानु नहुने उहाँको भनाइ छ । समतामुलक समाज बनाउन पुरानो मानसिकताले काम नगर्ने उहाँको भनाइ छ ।
उहाँले भन्नुभयो, ‘देश र संविधान समाजवादउन्मुख हुनुपर्छ । शिक्षा पनि समाजवादउन्मुखतिर जानुपर्ने हो । पुँजीवादीतिर निजीतिर जुन गएको देखिन्छ, पूर्ण छात्रवृत्ति, गरिब जेहन्दार, अति पिछडीएकाहरुलाई जुन व्यवस्था गरिएको छ, यो गैरमुनाफा नै रहोस् । यो क्रमशः गुठीमा जानेकुरा छ, यो यथावत रहोस् । समतामुलक समाज बनाउने, कानून बनाउँदा अहिले पनि पुरानै मानसिकताले बन्यो भने यसले समाजमा सन्तुलत हुँदैन । प्रदेशहरुलाई अहिले शैक्षिक, आर्थिक क्षेत्रमा प्रदेश लेख्नुपर्ने न हो, पिछडिएको क्षेत्र भनेको । भूगोल मात्रै हेर्ने की, सबैलाई हेर्ने हो । मानव सूचकांकमा पछि पारिएका क्षेत्रलाई हेर्नुपर्छ । बोर्डको गठन हुने, प्रदेशमा सबै जाने, प्रदेशले एसईई हुने, तर बोर्डको नियुक्ति नेपाल सरकारले किन गर्छ ? कर्मचारी राख्दा हुन्छ । शिक्षा क्षेत्रलाई सधैँ राजनीति मुक्त गरौँ । शिक्षामा राजनीतिकरण भएको छ, यो अलग होस् ।’
सांसद यादवले शिक्षाको गुणस्तर वृद्धि हुनेगरी विधेयक अघि बढाइनुपर्ने बताउनु भयो ।
