चितवन। भरतपुर महानगरपालिका–९, पारस बसपार्कस्थित न्युधौलागिरी भोजान घर एण्ड लजबाट चितवन प्रहरीले ठूलो परिमाणमा लागुऔषध बरामद गर्दै सात जनालाई नियन्त्रणमा लिएको छ।
जिल्ला प्रहरी कार्यालय चितवनका अनुसार, विशेष सूचनाका आधारमा कोठा नम्बर १०६ को चेकजाँच गर्दा Tramal-50 लेखिएको १७ हजार ४ सय क्याप्सुल फेला परेको हो। यी क्याप्सुल प्रतिबन्धित लागुऔषधमा पर्ने भएकाले बरामद गरी थप अनुसन्धान अघि बढाइएको छ।
बरामद औषधि लागुऔषधसम्बन्धी कसुरमा पर्छ। प्रहरीले थप अनुसन्धानका लागि चितवन जिल्ला अदालतबाट सात दिनको म्याद लिएको छ।
पक्राउ पर्नेहरूः जिल्ला चितवन माडी नगरपालिका–१० का २४ वर्षीय अनिष श्रेष्ठ, जिल्ला चितवन कालिका नगरपालिका–५ की २१ वर्षीया शान्ति गुरुङ, जिल्ला पर्सा ठोरी गाउँपालिका–२ का २१ वर्षीय विनायक तामाङ, जिल्ला पर्सा ठोरी गाउँपालिका–२ भन्ज्याङका २५ वर्षीय सूर्य लामा, जिल्ला पर्सा ठोरी गाउँपालिका–२ की २८ वर्षीया प्रतिमा लामा, जिल्ला पर्सा ठोरी गाउँपालिका–२ का २४ वर्षीय प्रतिप न्यौपाने , भारत बिहार राज्य पश्चिम चम्पारण चम्पाटिया आर एस मछलीहाट रोड वडा नं.७ का २४ वर्षीय अर्जुन कुमारलाई प्रहरीले नियन्त्रणमा लिएको हो ।
