काठमाडौं । राष्ट्रिय स्वतन्त्र पार्टी (रास्वपा)ले उपसभामुख इन्दिरा रानामाथि मानव तस्करीको आरोप प्रमाणित गर्न प्रधानमन्त्री केपी शर्मा ओलीलाई चुनौती दिएको छ ।
रास्वपा उपसभापति डीपी अर्यालले आरोप प्रमाणित गर्न प्रधानमन्त्री ओलीलाई चुनौती दिएका हुन् ।
सिंहदरबारमा विपक्षी दलको बैठकमा प्रवेश गर्नुअघि अर्यालले भने, ‘उपसभामुख मानव तस्कर भएको प्रमाणित गरियोस्, हामीले संसद्मा उठाएको मानव तस्करको विषय पुष्टि गर्छौं ।’
उपसभामुख हटाउने सत्तारुढ दलहरूको तयारीपछि विपक्षी दलको बैठक बसेको हो ।
