काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेलाई नख्खु कारागार राखिएको छ ।
रुपन्देही कारागारबाट आजै उनलाई काठमाडौं ल्याइपुर्याइएको हो । रविलाई काठमाडौं ल्याउने खवर सार्बजनिक भएपछि स्वागतमा बसेका कार्यकर्ता र समर्थकलाई छल्दै बिमानस्थलबाट आयल निगम हुँदै नख्खु कारागारतर्फ लगिएको थियो ।
कार्यकर्ता र समर्थकहरु त्रिभुवन अन्तर्राष्ट्रिय विमानस्थलको आन्तरिक कक्ष र वरपर बसेका थिए । सहकारी ठगी प्रकरणमा पुर्पक्षका लागि थुनामा रहेका लामिछानेले दिएको निवेदनको आधारमा हिजो कारागार विभाले सरुवा गर्ने निर्णय गरेको थियो ।
लामिछानेलाई स्वागत गर्न समर्थकहरु विमानस्थल र नख्खु कारागारमा उपस्थित भएका थिए । उनीहरुले लामिछानेको पक्षमा चर्को नाराबाजी गरेका थिए ।
