काठमाडौं । मनोहरा किनारको सुकुम्बासी बस्तीमा डोजर चलाउन गएको काठमाडौं महानगरपालिकाको नगर प्रहरी र सुकुमबासीबीच झडप भएको छ ।
बस्तीमा डोजर चलेपछि सुकुम्बासीहरुले नगर प्रहरी र नेपाल प्रहरीको टोलीमाथि ढुंगामुढा प्रहार गरेका हुन् । सोहिक्रममा, उनीहरुले ढुगा प्रहार गरेर डोजर पनि तोफोड गरेका छन् ।
काठमाडौं महानगरपालिकाको नगरप्रहरी प्रमुख राजु पाण्डेसहितको टोली सुकुम्बासी बस्तीमा बनेको नयाँ बनेका घर टहरा हटाउन डोजर लिए पुगेका थिए । झडप हुन सक्ने सम्भावना देखेपछि नेपाल प्रहरीको टोली पनि सँगै गएका थिए । सोही क्रममा आक्रोशित सुकुम्बासीहरुले ईंटा–ढुंगा प्रहार गरेका हुन् ।
व्यक्तिको जग्गामा नयाँ संरचना बनेपछि गत साउन ८ गते गोरखापत्रमा सूचनामा जारी गरेर व्यक्तिको जग्गामा बनेको संरचना हटाउन ७ दिनको समय दिएको थियो । तोकिएको मितीमा नहाएपछि महानगरले डोजर चलाएको हो ।
