पोखरा । पोखरा महानगरपालिका–१४, गोर्खाभिलेजस्थित सेतीदोभानमा फूलमा बसेको सिपराज बुङ्गेचरा क्यामेरामा कैद भएको छ।
सानो आकारको सिपराज बुङ्गेचरा अत्यन्तै आकर्षक रङ तथा सुन्दर स्वरूपका कारण सहजै ध्यान खिच्ने चरा हो। यो चराले मुख्यतः फूलको रस चुसेर आहार लिने गर्छ।
फूलमा बसेर रस चुसिरहेको अवस्थामा देखिएको यसको आकर्षक दृश्यले सेतीदोभानको प्राकृतिक सौन्दर्यलाई थप मनमोहक बनाएको छ। पोखरा आसपासका हरियाली तथा प्राकृतिक क्षेत्रमा यस्ता सुन्दर चराहरूको उपस्थिति जैविक विविधताको महत्वपूर्ण पक्षका रूपमा समेत लिइन्छ।
तस्बिर : राधिका कँडेल / रासस
