काठमाडौं । नेकपा एकीकृत समाजवादीले पार्टीको स्थायी कमिटी, पोलिटब्यूरो र केन्द्रीय कमिटी बैठक आह्वान गरेको छ ।
पार्टीभित्र विवाद चर्किएका बेला एकीकृत समाजवादीले तीनै तहका बैठक बोलाएको हो ।
एकीकृत समाजवादीले आगामी भदौ ४ गते स्थायी कमिटी बैठक बोलाएको छ । बैठक पार्टी कार्यालय आलोकनगरमा बस्ने छ ।
यसैगरी भदौ ५ गते पोलिटब्यूरो बैठक पनि पार्टी कार्यालयमै आह्वान गरिएको छ ।
यता भदौ ७ र ८ गते केन्द्रीय कमिटीको बैठक बोलाइएको छ । केन्द्रीय कमिटी बैठक भने सुकेधारास्थित मिराकल पार्टी भेन्यूमा बस्ने भएको हो ।
