काठमाडौँ । काठमाडौं गोर्खाजका प्रशिक्षक मोन्टी देसाईले नेपाली क्रिकेटमा फरक ढंगले काम गर्न पाउँदा उत्साहित रहेको र अहिले नै यस सिजनको एनपिएलको नतिजाबारे बोल्नु छिटो हुनसक्ने बताएका छन् ।
नेपाली राष्ट्रिय टोलीका पूर्वप्रशिक्षकसमेत रहेका मोन्टी देसाई बिहीवार नेपाल आइपुगेका छन् । देसाईलाई काठमाडौं गोर्खाजले नेपाल प्रिमियर लिग (एनपिएल) को दोस्रो संस्करणका लागि मुख्य प्रशिक्षकमा नियुक्त गरेको छ । बिहीवार नेपाल आएका मोन्टीले काठमाडौं गोर्खाज पछिल्लो सिजन पाँचौं स्थानमा रहेको र यसपल्ट अभैm राम्रो टोली निमार्ण गर्ने आशा व्यक्त गरेका छन् । आगामी मिनी अक्सनमा धेरै खेलाडीलाई हेर्न उत्साहित पनि रहेको बताएका छन् ।
करण केसी र अन्य राम्रो खेलाडी रहेको र अन्य राम्रो खेलाडी पनि टोलीमा आवद्ध गराउने उनको लक्ष्य छ । नेपाली टोलीका ब्याटरलाई अक्शनबाट ल्याउने लक्ष्य रहेको उनले उल्लेख गरे । उनले बलिङ डिपार्टमेण्टमा काठमाडौं गोर्खाज राम्रो रहेको पनि बताएका छन् । छिटै मैदानमा टियु मैदानमा जान उत्साहित रहेको पनि मोन्टीको भनाइ छ । अक्शनमा ब्याटर खरिद गर्नका लागि धेरै अप्सन नरहे पनि त्यसमा टोलीका प्रशिक्षक वसन्त शाहीले काम गरिरहेको बताए । उनले नेपालको क्रिकेट विकास गर्न फ्रेन्चाइज क्रिकेट महत्वपूर्ण रहेको र त्यसको उदाहरण नन्दन यादव रहेको बताएका छन् ।
एनपिएलको दोस्रो संस्करणका लागि शनिवार मिनी अक्सन हुँदै छ । काठमाडौंले एनपिएलको दोस्रो संस्करणका लागि मार्कीमा करण केसीसहित भीम सार्की, शाहव आलम, रसिद खान, दीपेश कँडेल र प्रतिक श्रेष्ठलाई निरन्तरता दिएको छ ।
