काठमाडौं: न्याय परिषदको बैठकले प्रशासकीय अदालतको अध्यक्ष पदका लागि नायब महान्यायाधीवक्ता (विशिष्ट श्रेणी) का रुपमा कार्य गरेका डा टेक बहादुर घिमिरेलाई नियुक्तिका लागि सिफारिस गरेको छ ।
परिषदका प्रवक्ता डा अशोक कुमार क्षेत्रीका अनुसार, डा घिमिरेलाई प्रशासकीय अदालत २०७६ को दफा ३(१) बमोजिम नियुक्तका लागि सिफारिस गरिएको हो । डा घिमिरेले गत साउन ४ गते नायब महान्यायाधीवक्ता पदबाट अवकाश पाएका थिए । अब मन्त्रिपरिषदले डा घिमिरेलाई उक्त अदालतको अध्यक्षका लागि नियुक्त गर्नेछ ।
खासगरी निजामती सेवाका कर्मचारीसँग सम्बन्धित सरुवा, बढुवा, कारबाही लगायतका मुद्दाहरुको न्याय निरुपणको कार्य यस अदालतले हेर्ने गर्दछ । यद्यपी यस अदालतबाट भएका निर्णयमा चित्त नबुझे सम्बन्धित कर्मचारीले सर्वोच्च वा अन्य अदालतमा निवेदन दिन सक्नेछन् ।
