काठमाडौं । नेकपा एमालेका महासचिव शंकर पोखरेलले पूर्वराष्ट्रपति विद्यादेवी भण्डारीको बिषयमा नकारात्मक टिकाटिप्पणीलाई कडाईका साथ रोक्नुपर्ने पार्टी निश्कर्ष सुनाउनु भएको छ ।
केन्द्रीय कमिटी बैठकले पूर्वराष्ट्रपति भण्डारीले गर्नुभएको गौरवपूर्ण कामलाई उच्च सम्मान गरेको तथ्य राखेर महासचिव पोखरेलले नकारात्मक टिकाटिप्प्णीलाई रोक्नुपर्ने पार्टी निश्कर्ष सुनाउनु भएको हो ।
‘पूर्वराष्ट्रपति सम्माननीय बिद्यादेवी भण्डारीप्रति जुन प्रकारका नकारात्मक टिकाटिप्पणीहरु आइराखेका छन, त्यसलाई कडाइका साथ रोक्नुपर्छ । उहाँको सम्मान र गरिमामा आँच आउने कुनै पनि काम गर्नुहुन्न । यही कुरालाई ध्यानमा राखेर नै पार्टीले राजनीतिक निर्णय लिएको हो,’ महासचिव पोखरेलले भन्नुभयो ।
एमालेले नेपालको संबिधानले परिकल्पना गरेको संबैधानिक राष्ट्रपति, राष्ट्रपतिका रुपमा निर्वाह गरेको अबिभावकीय भूमिकाको रुपमा भण्डारी इतिहासमा सम्मान गर्ने नेतृत्वको रुपमा स्थापित भइसकेको पार्टीको ठहर रहेको जानकारी पनि दिनुभयो ।
महासचिव पोखरेलले एमाले केन्द्रीय सचिवालय, पोलिटब्यूरो र केन्द्रीय कमिटी बैकठले राष्ट्रपति र पूर्वराष्ट्रपतिहरू सदैव सम्माननीय र आदरणीय रहनुपर्छ भन्ने ठहर गरेको भन्दै पूर्वराष्ट्रपति भण्डारीले राष्ट्रको अभिभावकको रुपमा पदमा रहँदा गर्नुभएको काम अतुलनीय रहेको बताउनु भयो ।
‘राष्ट्रपतिका रुपमा उहाँ ९बिद्या भण्डारी० ले जुन भूमिका निर्वाह गर्नुभयो, राष्ट्रियताको पक्षमा, स्वाभिमानको रक्षाका लागि र जनताको हितमा जे काम गर्नुभयो, ती कामहरु सदैव सम्मान गर्ने खालका छन । उहाँको त्यो भूमिका राष्ट्रले सदैव अपेक्षा गरेको छ । त्यसैअनुसार उहाँलाई पार्टीको सदस्यको रुपमा होइन, देशकै सदाबहार अबिभावकका रुपमा रहनुपर्छ भन्ने एमालेको निश्कर्ष पार्टी, देश र उहाँको हितमा छ । यो सच्चाइलाई सवैले आत्मसाथ गर्नुपर्छ,’ पार्टी केन्द्रीय कार्यालयमा प्रचार क्षेत्रमा खटिएका अगुवा नेताहरुलाई महासचिव पोखरेलले भन्नुभयो ।
संबैधानिक राष्ट्रपति भनेको पदमा रहँदा मात्रै होइन, पदमा नरहँदा पनि सम्माननीय नै हुन्छ । जस्ले कुनै गल्ती गर्दैन र सवैका लागि आदरणीय हुन्छ, सम्माननीय हुन्छ । बिवादभन्दा माथि हुन्छ, सवैको साझा अबिभावकका रुपमा भूमिका रहन्छ । पदबाट हटेपछि पनि बिशिष्ट सम्मान र मर्यादा दिनुपर्छ भन्ने कुरा नै नेपालको संबिधान, गणतन्त्रको संस्थागत बिकास, पार्टी र स्वयं ब्यक्तिको हितमा हो भन्ने सच्चाइ स्थापित भएको छ । यो कुरालाई अन्यथा रुपमा बुझ्न वा दुश्प्रचार गर्न जरुरी छैन
महासचिव पोखरेलले एमालेले बिशिष्ट ब्यक्तिको सवालमा बिशिष्ट काम गरेको जनाउ पनि दिनुभयो । ‘संबैधानिक राष्ट्रपति भनेको पदमा रहँदा मात्रै होइन, पदमा नरहँदा पनि सम्माननीय नै हुन्छ । जस्ले कुनै गल्ती गर्दैन र सवैका लागि आदरणीय हुन्छ, सम्माननीय हुन्छ । बिवादभन्दा माथि हुन्छ, सवैको साझा अबिभावकका रुपमा भूमिका रहन्छ । पदबाट हटेपछि पनि बिशिष्ट सम्मान र मर्यादा दिनुपर्छ भन्ने कुरा नै नेपालको संबिधान, गणतन्त्रको संस्थागत बिकास, पार्टी र स्वयं ब्यक्तिको हितमा हो भन्ने सच्चाइ स्थापित भएको छ । यो कुरालाई अन्यथा रुपमा बुझ्न वा दुश्प्रचार गर्न जरुरी छैन,’ महासचिव पोखरेलले भन्नुभयो ।
उहाँले स्वयं पूर्वराष्ट्रपति भण्डारी पनि यस बिषयमा प्रष्ट रहनुभएको जानकारीसमेत दिनुभयो । ‘केहीकेहीले पूर्वराष्ट्रपति भर्सेस पार्टी हो कि भन्ने देखाउन खोजे पनि त्यो हल्लाको आयू सकियो । पूर्वराष्ट्रपति भर्सेस पार्टी भन्ने छँदै थिएन, हुँदै होइन । तथ्यले नै यो कुरा पुष्टि गरिसकेको छ,’ पोखरेलले भन्नुभयो । एमालेले पूर्वराष्ट्रपति राजनीतिमा फर्कन नमिल्ने निर्णय गरिसकेको छ ।
सो निर्णयको बिषयमा सबिस्तार चर्चा गर्ने क्रममा महासचिव पोखरेलले पूर्वराष्ट्रपति भण्डारीप्रति भइरहेको नकारात्मक टिकाटिप्पणी गणतन्त्रबिरोधीहरुको खेती भएको निश्कर्ष सुनाउनु भयो । महासचिव पोखरेलले नेकपा एमालेको नेतृत्वको बिषयमा पनि बिरोधीले गरेको दुश्प्रचार र अफवाहको आयू सकिएको घोषणासमेत गर्नुभयो ।
