काठमाडौँ । युवा तथा खेलकुलमन्त्री तेजुलाल चौधरीले सरकाले यस वर्षदेखि खेलाडी र प्रशिक्षकहरुको जीवन बीमा र स्वाथ्य बीमा लागू गर्ने बताउनुभएको छ ।
मंगलवार बसेको प्रतिनिधि सभामा सांसहरुको जिज्ञासाको जवाफ दिँदै मन्त्री चौधरी चालु आर्थिक वर्ष २०८२/०८३ बाट उक्त बीमा योजना लागू गर्ने जानकारी दिनुभएको हो ।
उहाँले खेलाडीहरुको दुर्घटना बीमा र अन्तर्राष्ट्रिय पदक विजेता खेलाडीहरुलार्ई आजीवन मासिक भत्ताको व्यवस्थाकोे शुरुवात गरिएको पनि जानकारी दिनुभयो । खेलकुदको दौरानमा दुर्घटनामा पर्ने खेलाडीको उपचारका लागी खेलाडी दुर्घटना बीमा लागू गरिएको उहाँको भनाई छ । उहाँले अन्तर्राष्ट्रिय प्रतियोगितामा पदक प्राप्त गर्ने खेलाडी र उनीहरुको सन्ततिलाई अध्ययनको छात्रवृृत्ति वितरण गर्ने योजना रहेको पनि बताउनु भयो । साथैै सरकारले अन्तर्राष्ट्रिय पुरस्कार पाउने खेलाडीलाई फरक—फरक किसिमको पुुरस्कार दिने जानकारी दिनुभयो ।
उहाँले भन्नुभयो, ‘खेलाडीहरुको दुर्घटना बीमा र अन्तर्राष्ट्रिय पदक विजेता खेलाडीहरुलार्ई आजीवन मासिक भत्ताको व्यवस्थाकोे शुरुवात भइसकेको छ । खेलकुदको दौरानमा दुर्घटनामा पर्ने खेलाडीको उपचारका लागी खेलाडी दुर्घटना बीमा लागू भएको छ । चालु आ.व.बाट खेलाडी र प्रशिक्षकहरुको जीवन बीमा र स्वाथ्यबीमा लागू गर्ने योजना रहेको छ । अन्तर्राष्ट्रिय प्रतियोगितामा पदक प्राप्त गर्ने खेलाडी र उनीहरुको सन्ततीलाई अध्ययनको छात्रवृृत्ति वितरण गर्ने योजना रहेको छ । अन्तर्राष्ट्रिय पुरस्कार पाउने खेलाडीलाई सरकारले फरक फरक किसिमको पुुरस्कार दिन्छौँ ।’
उहाँले मन्त्रालयमा बजेट अभावको कारण सबै स्थानीय तहमा खेलमैदान निर्माण गर्न नसकिएको बताउनु भयो । उहाँकाअनुसार यसअघि मन्त्रालयमा बहुुबर्षिय योजना नै थिएन । यो वर्षबाट बहुवर्षे योजना परेकोले आगामी दिनमा रंगशाला निर्माणले गति लिने उहाँले बताउनु भयो । उहाँले भन्नुभयो ‘मन्त्रालयमा हालसम्म बहुुवर्षिय योजना थिएन । अहिले बाट मात्रै बहुवर्षे योजना परेको छ । सोही कारण रंगशालाहरु निर्माण नहुने, अधुरो हुुने गरेका थिए । खेल पूर्वाधारको निर्माणको लागी बजेट विनियोजन गरिएको छ ।’
उहाँले स्थानिय तहमा खेलमैदान निर्माण गर्नको लागी यस वर्ष एक सय स्थानीय तहलाई डिपिआर बनाउन पत्राचार गरिएको जानकारी दिनुभयो ।
