काठमाडौँ । नेकपा (एकीकृत समाजवादी)का सांसद भानुभक्त जाशीले भूमि विधेयक भूमिहिनको नाममा विचौलियाहरूले फाइदा उठाउनेगरी आएको टिप्पणी गर्नुभएको छ ।
प्रतिनिधि सभाको कृषि, सहकारी तथा प्राकृतिक स्रोत समितिको बुधवारको बैठकमा विधेयकमाथिको छलफलमा बोल्दै सांसद जोशीले यस्तो टिप्पणी गर्नुभएको हो ।
विधेयक स्पष्ट रुपमा नआउँदा भूमिहिनको नाममा बिचौलियाहरूले घुसपैठ गर्नसक्ने खतरा रहेको भन्दै सांसद जोशीले विधेयकलाई अझै स्पष्ट बनाउन जरुरी रहेको बताउनु भयो । उहाँले संविधानले भूमिहिन दलित, भूमिहिन सुकुम्बासी र अव्यवस्थित बसोबासीलाईलाई भूमि उपलब्ध गराउने कुरा स्पष् रुपमा भनेको भएपनि कार्यान्वयन गर्न नसकिएको बताउनु भयो । भूमिहिनलाई जग्गा उपलब्ध गराउने कुरामा सबै गम्भीर हुन जरुरी रहेको बताउनु भयो ।
उहाँले भन्नुभयो, ‘हाम्रो संविधानले नै भूमिहिन दलित, भूमिहिन सुकुम्बासी र अव्यवस्थित बसोबासीलाई जमिन देउ भनेको छ । तर वास्तवित पीडितले यो अधिकारबाट वञ्चित भएको अवस्था छ । अहिले भूमिहिन दलित, भूमिहिन सुकुम्वासी र अव्यवस्थित बसोवासीको नाममा बिचौलियाले फाइदा उठाउने हुन कि भन्ने चिन्ता छ । त्यसकारण यसमा हामी सबै गम्भीर हुन जरुरी छ । यसको लागि भूमिहिन दलित र सुकुम्वासीको बारेमा कानूनमा स्पष्ट व्यवस्था गरौं । अव्यवस्थित बसोबासीको व्यवस्थापनक लागि के गर्ने भन्ने बारे सबै दलहरुको बीचमा सहमति गर्न आवश्यक छ । यदि उनीहरुले धेरै जग्गा ओगटेको छ भने पनि त्यसलाई पनि हेर्नुपर्छ । तर अव्यवस्थिच बसोबासीको नाममा घुसपैठ हुनुहुदैन । यसमा म सरकारको ध्यानाकर्षण गर्न चाहान्छु ।’
भूमिहिनलाई जग्गा उपलब्ध गराउने कुराको सुनिश्चितता गर्नेगरी विधेयक आउनुपर्नेमा सांसद जोशीले सरकारको ध्यानाकर्षण गराउनु भयो ।
