काठमाडौँ । प्रधानमन्त्री केपी शर्मा ओली र पूर्वराष्ट्रपति विद्यादेवी भण्डारीबीच भेटवार्ताको समय पछाडि सारिएको छ ।
आइतबार दिउँसो ३ बजेलाई तय भएको भेटघाटको समय चार बजेलाई सारिएको प्रधानमन्त्री निकट स्रोतले जनाएको छ ।
एआईसम्बन्धी एक कार्यक्रममा प्रधानमन्त्री ओली बालुवाटारमै व्यस्त भएकाले च्यासलमा भण्डारीसँग तय भएको छलफललाई पछि सारिएको हो ।
पूर्वराष्ट्रपति भण्डारीले एमालेको सक्रिय राजनीतिमा फर्किने घोषणा गरेपछि ओलीसँग पहिलोपटक भेटघाट हुन लागेको हो ।
एमालेको पोलिटब्युरो बैठकले भण्डारीको सदस्यता स्थगनको अवस्थामा रहेको निर्णय गरेकै भोलिपल्ट भेटवार्ता हुनुलाई चासोको साथ हेरिएको छ ।
