काठमाडौं । राष्ट्रिय स्वतन्त्र पार्टी (रास्वपा)का महामन्त्री कविन्द्र बुर्लाकोटी निर्वाचन आयोग पुगेका छन् ।
पार्टीको विवरण अद्यावधिक नभएको विषयमा छलफल गर्न भन्दै उनी केही कानून व्यवसायीहरूसमेत लिएर आयोग गएका हुन् ।
रास्वपाले एक वर्षअघि नै पार्टीको विवरण अद्यावधिक गर्न आयोगमा निवेदन दिए पनि आयोगले अहिलेसम्म कार्यान्वयन गरेको छैन । सोहि विषयमा छलफल गर्न आएको बुर्लाकोटीले बताए ।
रास्वपा निस्कासित महामन्त्री डा मुकुल ढकालले आफूमाथि गरिएको कारबाहीविरुद्ध अदालतमा मुद्दा हालेका थिए । उक्त मुद्दा विचाराधिन छ । तर, मुद्दा पर्नासाथ अद्यावधिक गर्ने प्रक्रिया नै रोक्नुपर्ने कुनै कारण नरहेको महामन्त्री बुर्लाकोटीको भनाई छ ।
