काठमाडौं । ललितपुर महानगरपालिकाका पूर्वप्रमुख तथा पूर्वमन्त्री बुद्धिराज बज्राचार्यको निधन भएको छ ।
बज्राचार्यको शुक्रबार त्रिवि शिक्षण अस्पताल महाराजगञ्जमा निधन भएको हो ।
बज्रचार्य २०२७ सालमा तत्कालीन ललितपुर नगरपालिका वडा नंं. १७ को वडाध्यक्ष हुनुभयो । २०३२ सालमा पहिलोपटक ललितपुर नगरपालिकाको प्रधानपञ्च निर्वाचित भएर उहाँले लगातार ११ वर्ष काम गर्नुभयो ।
२०४६ सालमा पुन: प्रजातन्त्र आएपछि एमालेबाट २०५४ देखि २०५९ सालसम्म ललितपुरको नगरप्रमुखको रुपमा जिम्मेवारी पूरा गर्नुभयो । २०६० सालमा तत्कालीन राजा ज्ञानेन्द्र शाहबाट पुन: नगरप्रमुख मनोनीत हुनुभएका वज्राचार्य तत्कालीन राजा ज्ञानेन्द्र शाहबाट मनोनीत भएर २०६० सालमा ललितपुरको नगरप्रमुख हुनुभयो ।
२०६१ सालमा राजा ज्ञानेन्द्रले अफ्नै नेतृत्वमा गठन गरेको मन्त्रिमण्डलमा संस्कृति, पर्यटन तथा नागरिक उड्ययन मन्त्री नियुक्त समेत हुनुभयो ।
बज्राचार्यको श्रीमती, २ छोरा र १ छोरी छन् । बज्राचार्यका कान्छा छोरा अमेरिकाबाट आज अन्तिम श्रद्धाञ्जली अर्पण गरी सतगत गरिने बताइएको छ ।
त्यसअघि पार्थिव शरीरलाई विहान निवासमा र त्यसपछि बौद्ध विहारमा श्रद्धाञ्जलीका लागि राखिने परिवार स्रोतले जनाएको छ ।
