काठमाडौं। पोखराको १३५ रोपनी जग्गा व्यक्तिको नाममा दर्ता गराउने प्रक्रिया सँगै जोडिएको घुस डिलसम्बन्धी एक अडिओ सार्वजनिक भएपछि भूमि व्यवस्था, सहकारी तथा गरिबी निवारणमन्त्री बलराम अधिकारी विवादमा तानिएका छन्।
सार्वजनिक अडिओमा मन्त्री अधिकारीले ३२ लाख रुपैयाँ घुस लिएको दाबी गरिएको छ। उक्त रकम उनले आफ्ना छोरा मनोज अधिकारीमार्फत लिएको अडिओमा सुनिन्छ।
अडिओमा तत्कालीन संघीय मामिला तथा सामान्य प्रशासनमन्त्री राजकुमार गुप्ता, त्यतिबेलाका सचिव अर्जुन पोखरेल र अन्य मध्यस्थकर्ताहरूको नामसमेत उल्लेख गरिएको छ।
यसअघि सार्वजनिक भएको अडिओका कारण तत्कालीन सामान्य प्रशासन मन्त्री गुप्ताले राजीनामा दिइसकेका छन्। तर, बलराम अधिकारीले प्रतिनिधिसभामा बोल्दै आफूमाथि लगाइएको आरोपको प्रत्यक्षा गरेका थिए।
उक्त जग्गा प्रकरणमा सार्वजनिक भएको अडिओले भूमि प्रशासनमा उच्चस्तरीय मिलेमतो र घुस प्रथा रहेको संकेत दिएको भन्दै सामाजिक सञ्जाल र राजनीतिक वृत्तमा तीव्र आलोचना भइरहेको छ
