काठमाडौं । चीनको युनान प्रादेशिक खेलकुद ब्युरोले राष्ट्रिय खेलकुद परिषद् (राखेप) लाई खेल सामाग्री तथा स्वास्थ्य परिक्षण उपकरण सहयोग स्वरुप प्रदान गरेको छ।
नेपालस्थित चिनियाँ दूतावासका डेपुटी चिफ दि मिसन वाङ झिनले राखेपका सदस्य–सचिव टंकलाल घिसिङलाई अन्तर्राष्ट्रिय खेलकुद परिसरमा आयोजित एक कार्यक्रमबीच सामाग्री हस्तान्तरण गर्नु भयो।
राखेपका सदस्य–सचिव टंकलाल घिसिङको अध्यक्षता तथा राखेपका उपाध्यक्ष ध्रुव आचार्यको प्रमुख आतित्यथामा भएको कार्यक्रममा युवा तथा खेलकुद मन्त्रालयका सह–सचिव रामचरित्र मेहता, चिनियाँ दूतावासका कन्सुल वाङ दोङ, राखेप कार्यकारी समितिकी सदस्य सुवर्ण श्रेष्ठ, राखेपका सदस्य अञ्जन धमला, प्रकाशकुमार कुसारी र हिमालकुमार श्रेष्ठ, विभिन्न विभागका प्रमुख, मिसन– २०२६ अन्तर्गत राष्ट्रिय टिम तयारी प्रशिक्षणमा रहेका खेलाडी, प्रशिक्षकलगायतको उपस्थिति रहेको थियो।
