जनकपुरधाम। बाराको जितपुर सिमरा उपमहानगरपालिका–२ मा रहेको जगदम्बा स्टिल उद्योगमा बुधवार राति भट्टी पड्किँदा एक व्यक्ति घाइते भएका छन्।
उद्योगमा काम चलिरहेको समयमा अचानक भट्टी पड्किएपछि ठूलो आवाजसहित अफरातफरी भएको स्थानीयले बताएका छन्। घटनाको विवरण प्राप्त भएसँगै प्रहरी टोली तुरुन्तै घटनास्थलमा पुगेको छ।
बाराका प्रहरी प्रवक्ता डिएसपी विजयराज पण्डितले एक जनाको घाइते भएको पुष्टि गरेका छन्। अन्य घाइतेको आशंका गरिएको भए पनि विस्तृत विवरण आउन बाँकी रहेको उनले जानकारी दिए।
