काठमाडौं । रोटरी क्लब अफ राजधानीले अध्यक्ष तथा समाजसेवी कुमार गौतमको कार्यकाल समापन गर्दै १११५औं तथा यस वर्षको ५२औं साप्ताहिक बैठक एकैसाथ बिदाइ समारोहको रूपमा सम्पन्न गरेको छ।
गौतमको नेतृत्वमा क्लबले रोटरी वर्ष २०२४/२५ मा ५२ साप्ताहिक बैठकहरू नियमित रूपमा सम्पन्न गरेको छ। उनको कार्यकालमा क्लबले ३० भन्दा बढी सेवा परियोजना सम्पन्न गर्नुका साथै रोटरी फाउण्डेसनमा ५४ हजार अमेरिकी डलर बराबरको योगदान गरेर इतिहास रचेको छ।
कार्यक्रममा अध्यक्ष गौतमले कार्यकालका अनुभव सुनाउदै सबै पदाधिकारी र सदस्यहरूप्रति आभार प्रकट गरे। उनले भने, “सामूहिक प्रयास, पारदर्शिता र समर्पणले मात्र संस्था बलियो बन्छभएको बताउनु भयो ।
गौतमको कार्यकालमा क्लबले “हिमाल सरसफाइ अभियान” अन्तर्गत ६ हजार मिटर उचाइमा पुगेर ५०० केजीभन्दा बढी फोहोर व्यवस्थापन गरेको थियो। त्यस्तै, ७ जना नयाँ सदस्यको प्रवेश, मासिक बुलेटिन ‘राजधानी भ्वाइस’ को नियमित प्रकाशन, र सेवा क्षेत्रमा उल्लेखनीय विस्तार भएको छ ।
कार्यक्रममा गौतमको नेतृत्वप्रति प्रशंसा गर्दै धेरैले उनलाई ‘सक्रिय, दूरदर्शी र समर्पित नेता’ को संज्ञा दिएका थिए।
विश्व विजेता हिटलरदेखि लिएर महात्मा गान्धी र नेल्सन मण्डेलासम्म पनि आलोचना र विरोधबाट अछुतो नरहेको बताउदै गौतमले आफुले क्षमता अनुसारको काम गरेको बताउनु भयो । उहाँले आगामी नेतृत्वलाई सफलताको शुभकामना दिदै आफ्नो तर्फबाट पूर्ण सहयोग रहने बताउनुभयो ।
रोटरी क्लब अफ राजधानीले अब रोटरी वर्ष २०२५/२६ का लागि नयाँ नेतृत्वलाई जिम्मेवारी हस्तान्तरण गर्न लागेको छ।
