काठमाडौं । ६१ किलो सुन तस्करी प्रकरणमा धरौटीमा रिहा भएकी अमला रोका पुनः प्रकाउ परेकी छन् ।
काठमाडौं जिल्ला अदालतले रोकालाई आजै २ लाख रुपैयाँ धरौटीमा छाड्न आदेश दिएको थियो ।
तर, उनलाई सम्पत्ति शुद्धिकरण विभागबाट पनि पत्र आएकाले पक्राउ गरेर पठाइएको सीआईबीले जनाएको छ ।
सीआईबीले गत शुक्रबार रोकालाई काठमाडौंको टोखाबाट पक्राउ गरेको थियो । उनको खोजीका लागि अन्तर्राष्ट्रिय अपराध प्रहरी संगठन (इन्टरपोल)मा डिफ्यूजन नोटिस जारी भएको थियो ।
सुनकान्डमा मुछिएका बेल्जियन नागरिक दावा छिरिङका श्रीमतीसमेत रहेकी अमलाको ठमेलस्थित होटेल भियना उनकै नाममा दर्ता छ ।
