काठमाडौं । बीपी राजमार्गमा हुने आगामी १५ दिन रातिको समयमा सवारी चलाउन रोक लगाएको छ ।
शुक्रबार बसेको काभ्रे, सिन्धुली र रामेछापका अन्तरजिल्ला सुरक्षा समन्वय समितिको बैठकले राजमार्गमा हुने जोखिमलाई मध्यनजर गर्दै (खुर्कोट र काभ्रेभञ्ज्याङ सडक खण्ड) मा यस्तो निर्णय गरेको रामेछापका प्रमुख जिल्ला अधिकारी श्यामकृष्ण थापाले जानकारी दिए ।
बैठकले साँझ साढे ६ बजेदेखि बिहान ५ बजेसम्म मालवाहक गाडी बाहेक अन्य सवारी साधन चल्न रोक लगाउने निर्णय गरेको प्रमुख जिल्ला अधिकारी थापाले बताए । समितिले काठमाडौंबाट जाने सवारी काभ्रे भञ्ज्याङमा राक्ने र काठमाडौं तर्फजानेलाई सिन्धुलीको खुर्कोटमा रोक्ने निर्णय गरेको छ । सम्भवतस् आइतबारदेखि लागू हुनेगरी सो सूचना प्रकाशित हुने उनले बताए ।
यसबारे विस्तृत सूचना सडक डिभिजन कार्यालयले निकाल्नेछ ।
