काठमाडौँ। उद्योग, वाणिज्य तथा आपूर्तिमन्त्री गौरीकुमारी यादवले रैथाने (स्थानीय) उत्पादन संरक्षण र प्रवर्द्धनका लागि आवश्यक कानुन निर्माण गरिने बताएकी छिन्।
संयुक्त राष्ट्र सङ्घीय खाद्य तथा कृषि सङ्गठन (एफएओ)का नेपाल प्रतिनिधि केन सिमिजुले आज गर्नुभएको शिष्टाचार भेटमा मन्त्री यादवले त्यससम्बन्धी कानुन तर्जुमाको पहल भइरहेको बताइन्।
भेटमा एफएओका नेपाल प्रतिनिधि केनले एसियाली क्षेत्रका सबै मुलुकमा ‘जिओग्राफिकल इन्डिकेसन’ (जिआई) प्रणाली लागू भइसकेको जानकारी गराएका थिए।
नेपाली रैथाने वस्तुको जिआई दर्ता नहुँदा त्यसको प्रत्यक्ष मार नेपालले खेप्नु परेको उल्लेख गर्दै उनले यसलाई रोक्न तत्काल प्रभावकारी कानुन बनाएर कार्यान्वयनमा लैजान जोड दिनुभएको उद्योगमन्त्रीको स्वकीय सचिवालयले जनाएको छ। रासस
