लन्डन । म्यानचेस्टर सिटी र लिभरपुलबीच अर्को साता हुने खेलका क्रममा आफ्नो टिमले नयाँ लिग विजेतालाई ‘गार्ड अफ अनर’ दिने निश्चित भएको पेप ग्वार्डिओलाले बताएका छन् । दुई दिनअगाडि मात्रै लिभरपुलले इंग्लिस प्रिमियर लिग जितेको थियो ।
लिभरपुलले ३० वर्षयता पहिलोपल्ट लिग जितेको हो । अंकतालिकाको शीर्ष स्थानमा रहेका दुई टिम बिहीबार एतिहाडमा खेल्दै छन् । ग्वार्डिओलाले लिभरपुल पारम्परिक ‘गार्ड अफ अनर’ का लागि हकदार भएको पनि बताए ।
उनले भने, ‘लिभरपुललाई अबको खेलमा गार्ड अफ अनर दिनेमा कुनै दुबिधा छैन । लिभरपुल यसका लागि पूरा हकदार छ । यसमा हामीलाई कुनै संकोच रहनेछैन ।’
