धनगढी । सुदूरपश्चिम प्रदेशका मुख्यमन्त्री खगराज भट्टले प्रदेशसभाबाट विश्वासको मत प्राप्त गरेका छन् । बुधबार बसेको प्रदेशसभा बैठकमा मुख्यमन्त्री भट्टले विश्वासको मतसम्बन्धी प्रस्ताव पेस गरेका थिए ।
प्रस्तावमाथि भएको मतदानमा सहभागी ४६ जना प्रदेशसभा सदस्यमध्ये ४१ जनाले भट्टको पक्षमा मतदान गरेका छन् । विपक्षमा १५ मत परेको जनाइएको छ ।
सभामुख भीमबहादुर भण्डारीले विश्वासको मतसम्बन्धी प्रस्तावको पक्षमा बहुमत सांसदले मतदान गरेको भन्दै मुख्यमन्त्री भट्टले विश्वासको मत प्राप्त गरेको घोषणा गरेका हुन् ।
मुख्यमन्त्री भट्टलाई नेकपाका २० जना तथा उपसभामुखसहित एमालेका ११ जना प्रदेशसभा सदस्यले विश्वासको मत दिएका छन् ।
प्रदेशसभामा बहुमत प्राप्त गरेसँगै मुख्यमन्त्री भट्ट नेतृत्वको सरकारलाई थप स्थायित्व मिलेको छ ।
