एजेन्सी । इजरायल विरुद्ध बदला लिन इरानले १०० भन्दा बढी ड्रोनहरू प्रहार गरेको छ । इजरायल रक्षा बलले यी ड्रोनहरू आगामी १ देखि २ घण्टामा इजरायल पुग्न सक्ने बताएको छ ।
हाल यो ड्रोन इराक र जोर्डनको हवाई क्षेत्रमा छ । जोर्डनको राजधानी अम्मानमा साइरन बज्न थालेको छ ।
टाइम्स अफ इजरायलका अनुसार, आईडीएफले इरानले चाँडै नै ठूलो क्षेप्यास्त्र आक्रमण गर्न सक्ने चेतावनी दिएको छ ।
आज बिहानै इजरायलले २०० लडाकु विमानहरूसहित इरानमाथि आक्रमण गरेको थियो । न्यूयोर्क टाइम्सका अनुसार इजरायली सेनाले तेहरान वरपरका कम्तिमा ६ सैन्य अड्डाहरूलाई निशाना बनाएको छ । यी ६ स्थानहरूमध्ये ४ स्थानमा आणविक अड्डाहरू पनि छन् ।
