काठमाडौं । भूमि व्यवस्था, सहकारी तथा सहकारी मन्त्री पद्मा कुमारी अर्यालले सत्तारूढ नेकपाका वरिष्ठ नेता माधवकुमार नेपाललाई श्रद्धाञ्जली व्यक्त गरेकी छिन् । मन्ज्ञी अर्यालले सामाजिक सञ्जाल फेसबुक मार्फत वरिष्ठ नेता नेपाललाई श्रद्धाञ्जली व्यक्त गरेकी हुन् ।
स्वर्गीय नेता मदन भण्डारीको जन्म जयन्तीको अवसरमा नेकपा काठमाडौ जिल्ला कमिटीले आयोजना गरेको कार्यक्रमका प्रमुख अतिथि रहेका वरिष्ठ नेता नेपाल सहभागी भएको फोटोमा मन्त्री अर्यालले ‘हार्दिक श्रद्धाञ्जली कमरेड माधव।’ लेखेकी छिन् ।
उनको कमेन्टलाई लिएर पार्टीभित्रैबाट आलोचना हुन थालेपछि मन्त्री अर्यालले उक्त कमेन्ट डिलेट गरेकी छिन् । यदि उनले स्वर्गीय नेता भण्डारीलाई हार्दिक श्रद्धाञ्जली लेख्न खोज्दा गल्तीबस त्यस्तो हुन पुगेको भए उक्त कमेन्ट हटाएर अर्को लेख्थिन त्यसो नगरेर विरोध पछि उक्त कमेन्टमात्रै हटाउनुलाई मानवीय गल्ती मान्न नसकिने नेपाल निकट ती नेताको बुझाई छ ।
पूर्वप्रधानमन्त्री तथा पार्टीका वरिष्ठ जिवित नेतालाई हार्दिक श्रद्धाञ्जली दिने मन्त्रीबाट देश र जनताले के अपेक्षा गर्ने भन्दै नेकपाकै नेताहरूले उनको नैतिकता माथि प्रश्न गर्न थालेका छन् ।
मन्त्री अर्यालको उक्त कमेन्टलाई नेकपाभित्र बढ्दै गएको ध्रुवीकरण र गुट परिवर्तनको संकेतको रूपमा हेरिएको छ ।
