काठमाडौँ । प्रतिनिधिसभाको बैठक सुचारु हुने विषयमा आज पनि अन्योल देखिएको छ । आज दिउँसो १ बजेको लागि बोलाईएको बैठक अझै सुरु हुन सकेको छैन ।
भिजिट भिसा प्रकरणमा गृहमन्त्री रमेश लेखकको राजीनामा माग गर्दै विपक्षी दलहरुले सदनको अवरोध जारी राखेका छन् ।
अहिले नेकपा (माओवादी केन्द्र)का अध्यक्ष पुष्पकमल दाहाल प्रचण्डले विपक्षी दलहरुसँग छलफल गरिरहेका छन् ।
संसद भवनमा रहेको आफ्नो कार्यकक्षमा प्रचण्ड विपक्षी दलहरुसँग छलफलमा बसेका हुन् । सो बैठकमा राष्ट्रिय प्रजातन्त्र पार्टी (राप्रपा)लाई भने बोलाइएको छैन ।
