काठमाडौं । आज शुक्रबारदेखि नेपाली सिनेमा ‘जन्ते बाख्रो’ देशभर प्रदर्शनमा आएको छ । प्रिमियरमा राम्रो प्रतिक्रिया पाएको यो सिनेमाले उत्साहजनक शो पनि पाएको छ ।
सिमोश सुनुवारको निर्देशन रहेको फिलममा अभिनेता सौगात मल्ल, आशिफ शाह, गरिमा शर्मा, रमा थपलिया, लोकेन्द्र लेखक, कमल देवकोटा, विशाल पहाडी, रुशा न्यौपाने, कुसुम शर्मा, स्नेहा जोशी, समापिका गौतमलगायतको अभिनय रहेको छ ।
प्रदीप भारद्वाजको लेखनमा तयार भएको सिनेमामा सतोष गौतमको लगानी रहेको छ । ‘जन्ते बाख्रो’ ले गाउँघरमा लोप हुँदै गएको जन्ती परम्परा, टपरी–दुनामा बिहे भोज खाने संस्कृति र ग्रामीण चालचलनलाई रमाइलो ढङ्गले प्रस्तुत गरेको छ ।
फिल्मका गीतहरू ‘मुकु मुकु म्या’, ‘घामै राजा’ र ‘अङ्गुरको झुप्पो’लाई श्रोताहरुले मन पराएका छन् ।
